دليلك لتعلم الجرافيك ديزاين | كيف تصبح جرافيك ديزاينر

كثير من الناس غير العاملين في مجال التصميم بيعتقدوا إن مهنة مصمم الجرافيك سهلة وبسيطة لدرجة إن أي حد يقدر يقوم بالمهمة دي ويصمم لوجو أو يصمم فلاير أو ديزاين سوشيال ميديا يعني لو حد قريبك بيعرف يرسم من صغره ورسمه كويس فاإنت شايف أنه مناسب جدا إنه يكون مصمم جرافيك! مش كده؟

بس هي فعلا كده سهلة؟

إن كان من مزايا مهنة مصمم الجرافيك إنه يكون عنده الحرية الإبداعية بالإضافة للمزايا المالية، بس مهنة مصمم الجرافيك أبعد ما تكون عن مجرد تصميم لوجو وصور وخطوط وأشكال فقط ومش سهلة بالشكل اللي كثير من الناس شايفاه.

وفي الأيام دي علشان تقدر تتميز وتكون مختلف عن باقي مصممين الجرافيك لازم يكون عندك الرغبة في تطوير مهاراتك ( مهارت مختلفة عن عملك كمصمم جرافيك)، زي مثلًا مهارة الإقناع إنك تقنع العميل بأفكارك ومهارة مواجهة النقد بشكل إحترافي بالإضافة أنك تكون علي إطلاع دائم بكل التحديثات في مجال الجرافيك بحيث تطور نفسك دائمًا.

سواء كنت طالب أو خريج ، رجل أعمال أو موظف ، هاوي أو بتشتغل في مكان او مهنة وعايز تعمل كارير شيفت فمش محتاج تدور كتير تاني عن إزاي تبقي جرافيك ديزاينر، لإنك هتلاقي هنا كل شئ محتاج تعرفه عن المجال.

المقال هيتقسم لتلت أقسام رئيسية:

1-  معني عِلم الجرافيك ديزاين: قبل ماتدخل أي مجال لازم الأول تفهم معناه والعناصر المكونة ليه وقواعده ، بحيث تقدر تبني معرفتك بشكل سليم.

 

2-  تعلم الجرافيك ديزاين: بعد مرحلة معرفتك بعِلم الجرافيك ديزاين بتيجي مرحلة التعليم ، والتعليم بيكون بكذا طريقة عن طريق الكورسات الأونلاين والأوفلاين والدروس التعليمية ومواقع التغذية البصرية المختلفة.

 

3-  الصفات المطلوبة لمصمم الجرافيك: وهنا بنحتاج نسأل نفسنا هل فعلًا عندنا الصفات اللي بتحدد هل ننفع نكون مصممين جرافيك ولا لأ؟.

§      ما معني الجرافيك ديزاين؟

بحسب المعهد الأمريكي لفنون الجرافيك  American Institute of Graphic Arts (AIGA) :

" يُعرف الجرافيك ديزاين بأنه فن وممارسة تحويل الأفكار والخبرات لمحتوي مرئي ونصي، أو بمعني أخر، الجرافيك ديزاين هو عملية نقل رسالة ما أو فكرة عن طريق محتوي مرئي ونصي، ممكن تكون عن طريق صورة أو شعار بسيط أو عن طريق تصميمات معقدة زي تصميمات مواقع الويب ".

الجرافيك ديزاين هو فن لغرضٍ ما، بيكون وراه خطة واستراتيجية لتحقيق الهدف والغرض الخاص بيها عن طريق عناصر مختلفة زي الصور، الأشكال، النصوص والرسومات المختلفة.

ستيف جوبز كان ليه رأي في معني الجرافيك ديزاين وقال:

“Design is not just about how an object looks and feels like. Design is how it works.” Steve jobs.

 

§      ما هي عناصر وقواعد الجرافيك ديزاين؟

الجرافيك ديزاين زي أي مجال بيكون ليه عناصر وقواعد بتكونه وعن طريق اختلاط العناصر دي وإتباع القواعد الخاصة بيه واستخدامها بطريقة صحيحة بنقدر نطلع بنتيجة كويسة.

- عناصر الجرافيك ديزاين:

·       Colors

·       Type

·       Line

·       Shape

·       Texture

·      Space

- قواعد التصميم الجرافيكي:

·       Balance

·       Contrast

·       Hierarchy

·       Repetition

·       Alignment

§      كيفية تعلم التصميم الجرافيكي؟ 

في السنوات الأخيرة زادت كورسات تعليم التصميم الجرافيكي بشكل كبير جداُ خاصة الأونلاين منها، وكثير منها للأسف بتسوق إنك ممكن تتعلم كل ما يخص مجال التصميم الجرافيكي في خلال مدة X  من الزمن متجاهلة تماماً كل أساسيات التصميم والقواعد الخاصة بيه وبتركز فقط في تعليم أدوات البرامج.

تعلم التصميم الجرافيكي مش مختصر فقط علي الكورسات الأونلاين أو الأوفلاين ومش مختصر كمان علي فكرة إنك هتتعلم البرامج وتشتغل بعدها لإننا زي ما إتعرفنا إن مجال التصميم الجرافيكي مش مختصر فقط علي البرامج.
أفضل طريقة للتعليم زي زيادة المعرفة ومن أفضل طرق زيادة المعرفة هي القرآءة

هنا جمعنالكم أفضل الكتب الخاصة بالديزاين تقدر تفيدكم:

- كتب التصميم الجرافيكي

1-  لو مهتم بمجال الويب ديزاين كمجالك التخصصي فكتاب Above the fold لازم يكون علي مكتبك، الكتاب متقسم لثلاثة أقسام: التصميم والتايبوجرافي، التخطيط وسهولة الإستخدام وقيمة الأعمال. الثلاثة أقسام بيكونوا عناصر أساسية في مجال الويب دايزاين هذه الأيام.

 

2-  لو كنت من المهتمين بجزء التايبوجرافي والنصوص في مجال الجرافيك فكتاب Thinking with a type  هيكون الأمثل لزيادة معرفتك. في الكتاب هتلاقي صور مختلفة للنصوص متصممة بأشكال متنوعة بتشرح القواعد الخاصة بالتايبوجرافيك في مجال الجرافيك.

 

3-  وهنا بعض الكتب اللي تقدر تساعدك في أقسام مختلفة في مجال التصميم

You Can Draw in 30 Days: The Fun, Easy Way to Learn to Draw in One Month or Less

The Elements of Graphic Design

Picture This: How Pictures Work

- كورسات الجرافيك ديزاين

Nour Homsi: القناة الخاصة بأستاذ نوري حمصي من أكبر المصممين في الوطن العربي. القناة بتقدم دروس مختلفية في مجال التصميم والدعايا والبرمجة وهدفها نشر الوعي بمجال التصميم في الوطن العربي.

Mohamed Khayal: القناة الخاصة بأستاذ محمد خيال من أفضل المدربين لبرنامج الإليستريتور وفنيات الطباعة. هدف القناة هي زيادة مهارات المصممين في برامج مختلفة مثل ( الفوتوشوب ­– الإليستريتور – الإنديزاين – أدوبي بريمير).

Mostafa Makram: القناة الخاصة بأستاذ مصطفي مكرم من القنوات المتميزة في مجال الموشن جرافيك والتصوير للمستوي المبتدئ والمتوسط والأحترافي وبتقدم دورات كاملة تقدر تطور نفسك من خلالها في برامج مختلفة.

Nour Design : من القنوات المتميزة جدا في مجال التصميم وخصوصاً مجال السوشيال ميديا والدمج هكون مفيدة جداً لمحبي الدمج في الفوتوشوب.

Hack Design: من المنصات اللي تُعتبر من أهم مواقع المصادر لمصميمين الجرافيك سواء كنت هتصمم كتاب أو موقع أو فيديوهات أو محتاج دروس تطبيقية تتدرب عليها.

Udemy : من أشهر المنصات التعليمية في جميع المجالات وخاصة الجرافيك منها بتحتوي علي جميع الكورسات اللي تقدر تطور فيها من نفسك في جميع البرامج وكثير من الكورسات بيكون مجاني.

Lynda: المنصة التعليمية الخاصة بموقع Linked in وتعتبر من أهم المنصات التعليمية علي مستوي العالم لأنها تحتوي علي دورات تدريبية كاملة ومسارات تعليمية في جميع المجالات خاصة الجرافيك.

 

 

§      أنواع الجرافيك ديزاين

نسبة كبيرة جداً من الناس بتعتقد إن مجال التصميم مختصر فقط علي تصميمات السوشيال ميديا أو التعديل علي الصور أو الدعايا اللي بتكون موجودة سواء كانت في المحلات أو الطرق أو بتتعرض علي الشاشات.

ولكن مجال الجرافيك ديزاين بيحتوي علي 7 مجالات مختلفة وكل مجال وليه الغرض والمهارات الخاصة بيه.

1. Visual identity graphic design

مجال تصميم الهوية البصرية الخاصة بالشركات والأشخاص والعلامات التجارية وتعتبر من اهم مجالات الجرافيك لأنها بتكون الشخصية والهوية البصرية للعلامة التجارية والشركة وبتكون المرآة الخاصة بالبراند.

 

2. Marketing & Advertising graphic design

من المجالات المعروفة للناس لأنه يعتبر المجال الأكثر انتشاراً بين المجتمع لأنه منتشر بين الناس سواء في الإعلانات أو التسويق اللي موجودة في كل مكان.

 

 

3. User interface graphic design

 

مجال تصميم واجهة المستخدم وهو مجال مختص بالهواتف الذكية والتطبيقات الخاصة بيها وبيكون مختص بتصميم كل ما يتفاعل معاه المستخدم للهاتف أو التطبيق من ازرار وقوائم وغيرها كتير.

 

 

 

4. Publication graphic design

مجال تصميم الأعمال الكتابية والمنشورات زي الكُتب والمجلات وجرائد الأخبار وغيره من أشكال المنشورات.

 

 

5. Packaging graphic design

مجال تصميم العبوات والتغليف الخاصة بالشركات وخاصة شركات الشحن منها، مختص بتصميم كل أنواع التغليف سواء كانت زجاجية أو ورقية.

 

 

6. Motion graphic design

مجال الموشن جرافيك وهو المجال الحركي في الجرافيك ديزاين، من أحدث أنواع التصميم وأكثرها إستخداماً الفترة الحالية لأنه فتح مجالات كثيرة للأبداع وتسهيل عمليات كثير في مجال التصميم والدعايا والإعلان.

 

7. Environmental graphic design

مجال التصميمات الخاصة بالبيئة أو بمعني التصميمات اللي بتربط بين الأشخاص والاماكن عن طريق خلق شئ من الإثارة والذكريات بين المكان والزوار.

 

 

 

- مواقع التغذية البصرية والإلهام

من أهم المراحل اللي بيمر بيها المصمم قبل بداية إنشاءه للتصميم هي مرحلة التغذية البصرية والإلهام. هي مرحلة مهمة في كونها بتفتح أفكار جديدة وأنماط للتصاميم تقدر تستغلها في إعمال وتطور منها..وكونك مش بتقدر تستغل مرحلة التغذية البصرية بشكل مفيد، ده هيأثر عليك بشكل كبير جدا وهيكون تأثيره فقر في الأفكار والإبداع.

أهم مواقع التغذية البصرية اللي تقدر تستغلها:

·       Pinterest

·       Behance

·       Typography inspiration

·       Designer daily

 

 

كثير من الناس بيكونوا عايزين يستقيلوا من الوظيفة الخاصة بيهم ويتجهوا للعمل الحر بسبب إعتقادهم إنه أكثر مالًا وأقل جهداً. ومن المجالات اللي ليها جذابية كبيرة لكل من يريد العمل الحر هو الجرافيك ديزاين بسبب توافر مصادر التعلم وسهولة تحميل البرامج وعمل ليها (كراك) حتي تعمل مدي الحياة.

بس أحنا اتعرفنا علي معني الجرافيك ديزاين وقولنا إنه مش مجرد مجال معتمد علي أدوات وبرامج فقط وبيحتاج مهارات كثيرة خارج إطار مهارات التصميم.

لكن هل كل من قرر إتخاذ مجال الجرافيك ديزاين شايف إن المجال مناسبه ولا لأ؟ هل سأل نفسه الأول هل المجال هيناسب شخصيتي ومهاراتي وقدراتي الشخصية؟ لتسهيل الأمر، جمعنا أكثر الأسئلة  تسألها لنفسك قبل ما تقرر إن مجال الجرافيك هيكون  الكارير الخاص بيك علي حسب الخبراء في مجال التصميم.

 

·      Am I versatile?

هل إنت متعدد المواهب والوظائف؟ بمعني تقدر تكون في أكثر من منصب غير كونك مصمم جرافيك. لو بدأت مشروع خاص بيك كمصمم جرافيك هتحتاج تكون علي علم بمجال الماركيتنج ومجال المبيعات ومجال الإدارة بحيث تقدر تدير المشروع الخاص بيك بكفاءة عالية.

أيضاً لو شغال في شركة ما، فإنت هتتعامل مع أكثر من عميل في وقت واحد وكل عميل وليه المشروع الخاص بيه والرؤية الخاص بيهم مختلفة عن بعض. فإنت محتاج تكون قادر علي التعامل مع أكثر من عميل مختلف في نفس الوقت . يعني مثلا هتكون مسئول عن مشروع تصميمات لبراند خاص بالأغذية وفي نفس الوقت تكون مسئول عن مشروع خاص بمجال الملابس، فعقلك المفروض يكون متعدد الوظائف بحيث تقدر تتدير شغلك بشكل إحترفي.

 

·      Do I embrace change?

هل بتتقبل التغيير في النمط الخاص بشغلك في التصميم؟ من بداية رحلتك في مجال التصميم ورحلة التعلم مش بتنتهي بل بتزيد مع زيادة مدة العمل بتاعتك في المجال. وخلال الرحلة بتظهر تغييرات كبيرة وتحديثات في مجال التصميم، سواء كان تحديثات في البرامج الخاص بالتصميم أو تطوير وتغييرات في أنماط وأنواع التصميم نفسه، فهل هتقدر تواكب التغييرات والتطورات وتطور من طريقة شغل؟ لو مش هتقدر..هتواجه صعوبات كثيرة في المجال الإبداعي.

·      Am I patient?

بقدر ما إن فكرة الموافقة علي التصميم من المرة الأولي بدون تعديلات ومن العميل، فكرة جميلة جداً ومريحة، بس للأسف مش موجودة بشكل كبير.

أنت محتاج يكون عندك القدرة في التعامل مع تعديلات العميل بصبر وبهدوء وخصوصاً العملاء اللي بتغير الأراء الخاصة بيها في منتصف المشروع. فالصبر عامل مهم جدا ليك كمصمم ويكون سبب في تقييمك الإيجابي لدي العملاء.

·      Am I a team player?

نسبة كبيرة من المجالات بتعتمد في الأساس علي العمل الجماعي ومن المجالات دي مجال التصميم الجرافيكي. عملك كمصمم مش بيختصر فقط عليك بل بالعكس بتحتاج فريق عمل معاك يساعدك في معظم المجال.

مثلا مجال الموشن جرافيك، كمصمم موشن جرافيك هتتعامل مع أكثر من شخص زي مصمم الرسومات والفويس أوفر والمونتاج وغيرهم، وبيختلف فريق العمل بإختلاف المهمة المطلوبة.

فهل هتقدر تكون فرد من فريق عمل جماعي ولالأ؟

 

·      Can I handle a little criticism?

هل بتقدر تتعامل مع النقد وتحوله لفكرة تساعدك وتطورك؟

أصعب شئ  بيواجه المصمم هو النقد سواء كان من العميل أو المدير والحل أنك تتعامل معاه بطريقة تفيدك وتطورك. بس لو فخور بشغلك بطريقة كبيرة ومش بتتقبل النقد، هتقابل صعوبات كبيرة في التعامل مع العملاء وهيقل تقييمك جداً.

·      Am I a problem solving?

مهمة مصمم الجرافيك الأساسية هي حل المشكلات عن طريق التصميم والمحتوي المرئي اللي بينتجه. العميل بيجي ليك ويكون ليه طلب سواء كان تصميم لوجو أو تصميم بيزنيس كارد أو أي نوع من التصاميم، مهمتك هي تلبية طلبه وحل مشكلته. لو العقلية الخاصة بيك بتعتبر إن مواجهة المشكلات وحلها فرص رائة للتطوير والتقدم، بكده هتكون ناجح جدًا بحل مشكلات عملائك وتلبية طلباتهم بغض النظر عن التعديلات والصعوبات اللي هتواجهك.

محتاج تسأل نفسك الأسئلة دي وتحلل شخصيتك بحيث تقدر تحدد هل مجال الجرافيك ديزاين بكل أنواعه مناسب ليك ولا لأ؟.

 

بنهاية المقال قدرنا نتعرف علي مجال الجرافيك ديزاين والعناصر والقواعد الخاص بيه، وكمان قدرنا علي نتعرف علي أنواع المختلفة وطريقة تعلم المجال من خلال الكتب والكورسات وعن طريق التغذية البصرية.

مجال الجرافيك ديزاين من أمتع المجالات الموجودة حالياً لأنه بيعتمد بنسبة كبيرة علي الإبداع، ومتقدرش تحدد نهاية معينة للإبداع لإن كل يوم بيظهر تطورات جديدة وأنماط جديدة في المجال..فلازم تكون علي علم بكل التحديثات بحيث تقدر تواكب التطورات ومتكونش واقف مكان والباقي بيتقدم عليك.